苦中一點甜

今晚去了仔姑姐家食飯, 飯後回家途中, 兩毋子一路傾計.......

仔: 爸爸同你一人一架車, uncle xx 佢地都係, 一樣有兩架車! 不過我地就可惜d......

媽: 可惜d咩??

仔: (先拉抵我,在我耳仔邊細聲講...)可惜你地已經分左手

我~~~哦 了一聲

仔又問點解你地要分手? 邊個講分手? 點樣講? 同又問點樣講結婚?
係咪爸爸同你講叫你同佢結婚, 佢會照顧你?

媽: 哦~~~~~~(腦空白左一時唔知應該點答)呆左幾秒諗對白
媽: 你仲細, 等你大d媽咪先再慢慢同你講.

仔: 你宜家講, 我大左唔記得您又可以再同我講架.

媽: 無奈下...., 都要諗兩句交貨......

媽: O恩~ 如果兩個人性格唔夾,咁做野講野好難溝通,咁咪會成日都唔開心囉

仔: 講一次唔明, 咁咪慢慢再講多一次咪明多左囉哈哈, 好似咁(佢扮住講) : 唔好意思,請你講多一次..

仔: 又問>> 點解爸爸無端端會有個老婆?? 幾時有? 你知唔知?

媽: o下~~~~~~~~ 邊個講架? 我都唔知喎~~

仔: 嬤嬤下晝講O既, 佢話遲d放暑假去佢屋企住會見到爸爸個老婆, 嬤碼話叫到佢就叫佢做ee, 到時想買咩玩具可以叫ee買...

仔: 一頭霧水.............兼變得很沉默!

旁晚時我去到,佢又攬又癡到實咁嗲我, 我仲問係咪又做錯野, 今日坦白講唔駛罰.
直至晚飯後我地走啦, 仔先講以上的事.........

仔又說: 電視有講過, 我地唔係貓貓狗狗唔係寵物, 你地唔可以將我地推來推去架, 要負責任架.....

我已開始扯話題, 媽媽又行錯路, 快D幫手睇下路牌....又不如我西沙返屋企唔駛行遂道, 中途仲可以去探下公公, 仔話好呀好呀! 之後向西貢行, 探老豆班, 佢見到粒孫開心到彈起. 阿公抱起孫仔笑到眼到蒙晒! 浚浚係褲袋拿出兩百元給阿公, 浚說: 俾你買野食架! 哈哈~~ 阿公真係好開心, 我地突然出現!

人生苦樂常常有苦中作樂一定要識! 開心其實好簡單更好的是可以自給!


向來不寐何所事 一念才生百慮息 風翻亂葉林有聲 雪映閒庭月無色

去年今日此門中 人面桃花相映紅 人面不知何處去 桃花依舊笑春風



懵懵